基仔心意滿瀉Cup要大

今年情人節，基仔相約一班同門歌手學整甜品冧情人，雖然大家均首次整「芝士Cup-cake」，但當中兩對緋聞情侶表現分外合拍，洪卓立催促湯怡倒蛋漿，湯怡又反喝洪卓立快手攪拌，而張致恒和鍾舒漫則動作合拍，場面溫馨。

知道女友心意

基仔在Cup-cake畫了上「哈哈笑」，問為何不寫上緋聞女友兼助手Lorraine名字？他笑言：「我今日喺都市閒情學整Cup-cake啫！（杯太細載唔晒心意？）係呀，係個Cup太細。」記者問旁邊的Lorraine想要甚麼情人節禮物時，Lorraine竟爽快答道：「佢一定諗到o架啦！」身旁的基仔則笑Lorraine說漏嘴：「咁答即話我將會送嘢畀你，仲唔係中伏！」

（左起）洪卓立、湯怡、古巨基、張致恒、鍾舒漫、洪杰、許靖韻

緋聞情侶洪卓立和湯怡爆笑整蛋糕。

記者笑指基仔不夠浪漫，但他卻否認說：「唔使365日都浪漫，偶然做啲即興嘢，好似今日想離開香港去玩，第二日就真係去咗，呢啲即興咪浪漫囉。」他又笑言以前拍拖，試過情人節送「豆腐花」：「女朋友見到之後就嗌好衰好衰，係咁打我心口，我就攬住佢，呢啲都係浪漫啦！」此外，張致恒昨與BOYZ拍檔關智斌出席活動，張致恒透露簽約無綫做合約演員，最近忙拍劇集並飾演飛虎隊，而關智斌近年主攻內地，問他收入是否三級跳？他說：「唔好咁講。（夠買樓？）未，冇幾千萬點住？」

眾人的製成品。	未知鍾舒漫今年會否與緋聞男友張致恒過情人節呢？	張致恒與鍾舒漫動作合拍。