高海寧爆響口湊咗兩個Ｂ
藝人高海寧（高ling）和細細粒陳嘉佳（小寶）昨在鑽石山出席的活動，高ling雖收起咪咪，但露背又露腿，依然謀殺不少龍友鏡頭！
活動中，高ling和小寶要示範湊BB，高ling沖奶沖得有板有眼，之後她衝口而出：「因為我湊咗兩個！」接住她糾正：「係有兩個細佬先啱！」真係嚇死街坊！相反，小寶為假人BB換尿片時就雞手鴨腳，灑爽身粉猶如灑胡椒粉，場面搞笑。
新一年高ling希望遇到真桃花，而之前被師傅批2018或2019才會出嫁的高ling就笑言：「一結即生（BB）！」而小寶則表示不怕因《老表，你好嘢！》播畢而人氣下跌：「因為TVB已經將我個期排到好滿啦！」