楊千嬅三年抱兩 「祝」錯用神
楊千嬅昨日大年初四出席新春開年活動，雖然她說未準備生蛇仔蛇女，但待調理好身體就會追多個，實行「三年抱兩」，為愛兒丁進諾（Torres）添個伴。
千嬅今個農曆新年首度現身出席海港城每年一度的新春慶典與市民拜年，千嬅由一班大頭佛開路下坐在人力車出場，場面熱鬧。而財神爺給千嬅送上多份賀年禮物時，竟口快快講錯叫Torres「三年抱兩」，千嬅即笑道：「唔好嚇我！」不過對於「三年抱兩」的賀語，千嬅都好受落並開心說：「好呀，好呀。」之後千嬅為金龍及醒獅點睛，再與財神升上五米高進行擊鼓儀式。
利是錢買金粒
說到Torres第一年收利是，千嬅開心說：「個個都派利是畀佢，連行街唔識嘅人都話畀利是佢。（你同丁生封利是最大？）都會係，佢都未知利是係乜，我諗住幫佢將啲利是錢用嚟買金粒，等大個畀番佢。」至於有周刊拍到千嬅買BB女衫傳她有喜？千嬅即說：「唔係啦，係我朋友生咗個女買禮物咋。」
千嬅坦言都想追多個，因想Torres有個伴，但會先調理好身子。她自言之前太高估了自己魄力，休息半年就復工，搞到在北京工作一個月就咳足一個月。想生蛇女？她笑言：「趕唔切啦，有咗公司就閉翳啦，今年要拍兩套戲，仲要出碟呢。」
問到她情人節如何慶祝？千嬅稱情人節已變家庭日，又指老公現只重視生日及紀念日。另外千嬅昨日在微博放了與Torres的合照及卡通利是封。
文：音樂組