汀叮擇偶條件小白全中

藝人楊汀叮日前孖好友白健恩（小白）到旺角行花市，憑劇中強暴高海寧而彈出的小白更被途人認出兼狂嗌「邦少」，相當受歡迎！汀叮甫到場便偕小白圍住桃花兜圈行運，更出盡冧招向花店老闆撚價，她笑道：「老闆你都唔想我嫁唔出o架？」最後，成功以好意頭的價錢買得一棵靚桃花。汀叮說：「呢行需要旺桃花，上年第一年買，朋友話要連買三年，所以今年一定要買！希望蛇年有正桃花，雖然依家有人追，但留意吓先，因為我唔係咁易同人撻着！（擇偶條件？）好似小白咁靚仔、細心同錫家人。」