Lea T.等啟山返港 拜年見家長

今年是蛇年，霍啟山（Eric）緋聞女友、模特兒Lea T.正是蛇年出世，身為蛇女的她與寵物蛇拍賀年照，她不但將蛇放在手上把玩，又將牠圍在頸上仍毫無懼色，認真大膽，Lea坦言今次是首次接觸蛇，其實心情十分緊張，她笑謂：「初初都有啲不知所措，摸熟咗都習慣咗條蛇嘅質感，我諗條蛇驚我多過我驚佢囉！但我無意養蛇做寵物，都係養番貓同狗好啲。」

返老家探親

提到新年，Lea稱會返老家斯洛伐克探望家人，因為農曆新年工作量比較少，又是一家人慶祝的節日，朋友都首選陪家人，所以她也會返家鄉，問她返港後會否到霍家向啟山父母拜年？她坦言：「仲未諗呀！等返咗香港先諗，要睇吓Eric喺唔喺香港，佢經常唔喺香港。」

Lea表示未決定何時跟啟山父親霍震霆拜年。	知足常樂的Lea，只希望家人身體健康。	霍震霆、霍啟山

買桃花等運

已來港八年的Lea對農曆新年的傳統習俗有相當認識，還懂得以廣東話說：「恭喜發財，利是逗來！」她說：「我仲有買年花同揮春，買咗桃花，我知道桃花係寓意愛情，我哋家鄉都有一個習俗，如果5月1日喺桃花樹下同另一半接吻，就可以同對方一生一世。」Lea又指她知道新年前要進行大掃除，她除了清潔家居外，還清潔腸胃：「我連續三日只係飲果汁清腸胃，每日飲六瓶，諗住每年新年前都咁做。」談到新年願望，Lea非常知足，她自覺已擁有很多，最希望是家人身體健康。

服裝：Valentino

場地：大埔超級城

文：名人組