章子怡與侯佩岑兩位靚女分別穿上Christian Dior的晚裝裙，大家同樣束起秀髮來配襯，但整體效果就以章子怡勝一籌，Eunis說：「章子怡着得靚啲，感覺乾淨整齊啲，條裙本身好多details，設計比較花巧，佢紮起頭髮可以更加突出條裙，同埋騷到個白滑膊頭，簡潔高貴。
侯佩岑雖然都係紮起頭髮，但佢個髮型好凌亂，好似個雀巢咁，唔得乾淨俐落，原本佢着得都ok，係個髮型出咗事。」
