劉嘉玲脫俗正斗
散發懷舊況味的斗篷在時裝界大行其道，別以為着斗篷就會顯得臃腫沒線條，記住上闊下窄的穿衣法則就自然得出色兼具線條美。通常斗篷都是無領的設計，可以加上如毛毛領、珍珠領或閃石領等假領，令整體感覺更stylish也更特別。圈中不少靚女均率先示範演繹各式斗篷look，名模陳嘉容就大讚劉嘉玲的白米斗篷裙清麗脫俗，令人眼前一亮，而徐濠縈則流露高貴女人味，優雅大方。
劉嘉玲
「好靚，清麗脫俗，令人眼前一亮。件斗篷裙slim cut嘅設計好修身，襯ankle boots好時尚，又可以騷到佢對修長美腿，紮起頭髮感覺乾淨俐落，同時又騷到條領咁特別嘅設計，係好聰明嘅做法。」
徐濠縈
「好靚，未見過咁多Ruffles嘅斗篷，好有層次感，好特別，高貴又女性化，感覺好新鮮，優雅大方，同佢向來嘅潮爆玩嘢look明顯唔同。雖然白色比較蝦人着，容易顯得肥，但佢咁Fit着就一啲問題都無。」
張曼玉
「款式好classic嘅斗篷，長青款咩時候着都唔會out，但如果入面換件短袖衫或者背心，襯對長嘅皮手襪，又或者係戴番頂帽，會更加stylish同埋型好多，依家就係普通casual look。」
Janice Man
「幾得意，由頭到腳都襯得靚，紅色斗篷襯埋個紅唇，好stylish，成個小美人咁，有型得嚟又fashionable，少少see-through又帶點性感，唔似佢平時嘅少女look。」
楊千嬅
「OK，比例幾好，黃色撞黑色好Sharp，加埋條黑色Belt，有層次感亦有腰有線條，睇得到佢生完BB後嘅修身成果。」
陳嘉桓
「鄰家小女孩打扮，配合番佢嘅年紀，不過就唔特別，無星味，換對墨綠色、深紫色或者紅色，甚至乎金色嘅boots，會突出啲同sharp啲，同埋可以加番多accessories，例如耳環點綴下，成個效果會靚好多。」
Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。