陳浩民為愛女 衝關帶奶粉
陳浩民日前與妻子蔣麗莎及14個月大囡囡雅薷返港拜神食團年飯兼撲奶粉。談到粉奶出口即將被受限制，浩民大感無奈，蛇年內地工作排到密麻麻的他，直言今次用家無辜被水貨客拖累：「好彩我哋食用嘅奶粉比較偏門，依家都仲買得到，惟一擔心係過年後我要去橫店拍劇幾個月，太太同囡囡會跟埋去，離港我哋只係帶得四罐，一定唔夠用，所以唔排除衝關，再唔係咪請啲朋友幫我帶奶粉上嚟囉。」
有意追多個B
今日正值農曆年廿九大除夕，浩民一家三口到過大坑蓮花宮拜神祈福後，再到銅鑼灣歎團年飯，有魚有雞，取其「年年有餘」及「當紅炸子雞」之意。
期間小雅薷表情多多，氹得爸爸開心不已，直言視她為心頭愛，當談到新年願望，浩民先不談事業，衝口而出謂：「淨係想佢快高長大，健健康康，其他嘢乜都得。」他不諱言要為雅薷儲「育兒基金」，更有意追多個。
靚靚周年紀念
而另一幸福家庭，靚靚（袁詠儀）及張智霖昨日結婚12周年紀念，心情大好的靚靚更於微博上載二人食飯慶祝照，羨殺旁人！
文﹕影視組
攝﹕沈健程
場地﹕龍皇