謙仔搖慶Toby 嗒糖打胸
羅仲謙與梁靖琪 （Toby）為宣傳新劇《戀愛季節》，上演二人同時搖晃一個呼拉圈，相當激情。而馬國明亦要從後擁抱吳業坤一起跳馬舞，又扮互咀，大玩重口味。
謙仔、Toby、馬國明昨日與吳卓羲、徐子珊等人，到商場宣傳新劇《戀愛季節》。大會安排的遊戲環節相當高難度，羅仲謙需要與梁靖琪搖動同一個呼拉圈，二人下身不停搖晃，期間謙仔更要用口餵Toby食棉花糖。Toby玩得亢奮，high得不停拍打謙仔的四十吋巨胸。而吳卓羲又需要跪下向徐子珊求婚，而馬國明更要後抱吳業坤一起跳騎馬舞，二人又扮互咀，極之重口味。
吳卓羲唔做小三
羅仲謙透露已被親友預約拜年，問到會否遭長輩催婚，他說：「唔會，大家都明白緣分嘅事。會預五位數字封利是。（派雙封？）單封先。」對於前女友傅穎另簽台灣新公司，他說：「係咩？好事，台灣係一個大市場，祝佢發展順利。」吳卓羲亦透露因為2012年收入不錯，今年預留五位數字封利是。對於與女星唐嫣傳緋聞，他說：「咪講笑啦，人哋有男友邱澤嘛？（搶回來？）我唔做啲咁嘅嘢，佢靚女又開朗，但不是我杯茶。」
徐子珊否認爭戲
對於好友林峯公開戀情，吳笑說：「離晒譜都唔介紹我識，我都唔知邊個係BB。唔知佢會唔會帶出嚟啦？恭喜佢。（你都公開？）如果有都會嘅，都唔細啦，拍拖正常事。」徐子珊亦戥林峯開心，對於有傳她在新劇《神槍狙擊2013》中與周海媚爭戲份，她否認：「每次拍劇都唔會問戲份多少，有機會同周海媚合作已經好開心，路人甲乙丙都做啦，咁難得。佢仲成日教我嘢，係好前輩。」
同場賈曉晨指男友樊少皇已經返港並住她居所，情人節亦會一齊過，她說：「多咗時間見到佢已經好開心滿足。（想收戒指？）好大件事喎。（求婚已有準備？）睇吓到時心情。」對於早前有指她登台時，被人客揚言「上房等」，她說：「都無咁嘅事，作出嚟嘅。」
文：影視組