前港姐莊思明（Lisa）去年4月被陳慧琳弟弟陳司翰（Victor）狠撇後，飽受情傷的她在分手後三個月才走出陰霾，後認識了德越混血男友，兩人經常孖住甜蜜夜蒲；而回復單身的Victor不時被拍得與不同異性約會。
近日Lisa與Victor被《好報》獨家踢爆秘密玩翻撻，日前晚上10時許，Victor將座駕停泊在銅鑼灣街頭，約半小時後戴住cap帽、嘴角含春的Lisa，熟練地打開車門上車，Victor亦報以冧笑，兩人四目交投，傾了兩句便開車離開。
事後Lisa在電話中表示已跟混血男友分手，並澄清沒有一腳踏兩船，至於是否與Victor翻撻則說：「我唔回應，尤其係關於陳司翰。我哋嘅關係唔係外間諗得咁差。」
