張晉耕耘13年 一洗「霉」風
憑電影《一代宗師》的出色表現而人氣急升的張晉，被指霉足13年，終於吐氣揚眉，擺脫「蔡少芬老公」這代名詞而獨當一面。張晉謙稱與其說霉，不如說是努力足13年：「我一路有努力，唔係停喺度等機會，唔可以抹殺之前嘅經歷！」
內地藝人張晉自小刻苦習武，是武術運動員，更先後取得多個全國武術比賽冠軍。退役後張晉開始武打替身生涯，1999年更為李安執導的電影《臥虎藏龍》做替身和教當時尚未成名的章子怡武術。現在人氣爆燈的張晉，不斷被翻舊帳，更指他和子怡暗交多年，對此張晉表示：「好驚拎朋友嚟講，唔想畀人覺得我拎佢嚟炒作！」但他坦言和子怡識於微時，友誼深厚，更不避嫌大讚她對朋友非常照顧，可見二人的確非常老友！
合作王家衛 愈拍愈開心
電影《一代宗師》可說是張晉的成名作，憶述當時袁和平將他推薦給導演王家衛：「雖然係有人推薦，導演都唔講情面，第一日就叫我耍拳佢睇，第二日就化妝試鏡！」當人人都說王家衛拍攝時間過長，非常折磨演員，但張晉就大唱反調指有幸和大導演合作相當開心，更笑謂唔夠喉：「有人話佢發癲，唔知佢做乜，但我係一個例外，我覺得拍得多係好嘅事情，愈拍得多愈開心！」
一直有「蔡少芬老公」之稱的張晉，終於擺脫靠老婆形象，他笑言：「我依家都係蔡少芬老公，冇變第二個人。身處娛樂圈，我接受知名度同婚姻都被睇在眼中，但係有時有啲冤枉，有人會覺得工作機會係因為老婆嘅人際關係而嚟，但其實所有工作都係自己努力得番嚟！」另有報道指他霉足13年，張晉就非常謙虛謂：「我不嬲都係由低做起，與其話霉，不如話努力咗13年！」最後他更引用好友章子怡的一句說話：「用作品去說話。」
文、攝：影視組
場地：the mira hong kong