汪圓圓未知婚期唔急生B
甄子丹姨仔汪圓圓被爆將做蛇年新娘，男友玩具大王蔡志明兒子蔡加讚求婚成功，昨日汪圓圓出席「情‧尋朱古力@海港城」慈善活動時直認求婚一事，大讚求婚過程十分驚喜！圓圓說：「係求咗婚，自己say咗yes，求婚過程就太私人唔講喇，人生一次好浪漫，又驚喜，好感動，（有冇買戒指跪地？）有買戒指，（幾多卡？）幾多卡唔重要，佢真係好有誠意！」問到是否做蛇年新娘？她說：「我哋依家訂咗婚，好多嘢都係好初步，真係唔知日子，而且我哋都算後生，一步一步嚟唔急！」
汪圓圓又大讚男友的求婚計劃策劃了很久，令她十分驚喜：「佢好有心好錫我！」拍拖僅年多的她會否認為結婚太急？圓圓笑說：「我家姐都係閃婚，我爸爸媽咪都係好快結婚，所以我係全屋最耐嗰個！」她又謂二人不急於生BB，一切慢慢來！
