阿叻800萬圓夢 香香醉enjoy

阿叻主持的旅遊節目《叻哥遊世界》，日前在灣仔擺慶功宴，「宅男女神」岑麗香、「浸大E神」楊焉（前名楊梓瑤）、港姐朱千雪、岑杏賢、藝人狄易達、蔚雨芯等均有出席，阿叻說：「個節目20集，2月18號播，節目成本超過八百萬，我當電影咁拍，搵三隊攝製隊，用拍電影嘅靚鏡頭，總之不計成本，當還自己心願。拍到中段，TVB畀咗個合理價買，我就搵咗岑麗香去拍澳洲。我呢個係豪華團，唔係坐頭等，就係私人飛機，我想話畀大家聽，只要努力加上機緣，任何人都有咁樣嘅一日。」他又表示順道同黃杏秀遊世界。

岑麗香感激阿叻，她說：「個trip唔辛苦，跟住叻哥食得豪、住得豪，自己去一定冇咁豪。（食肥咗？）為咗keep身形，我夜晚喺酒店做gym都做咗幾次，今次仲去咗酒莊試酒，我本身平時飲少少酒都面紅，但今次好享受，叻哥畀機會我訪問酒莊代表，再用廣東話翻譯，係個挑戰，有佢喺身邊好有安全感，好感謝佢！」

楊焉成為阿叻旗下藝人，會全力拍劇。	阿叻與香香（右二）等人切燒豬慶功。	阿叻透露今次拍特輯順道帶黃杏秀（右二）遊世界。

楊焉全力拍劇

久未露面的「浸大E神」楊焉則說：「我上年畢業後去咗威尼斯旅行，再用三個月學普通話，機緣下簽咗做叻哥公司藝人，我會全力演戲同拍劇。（唔再行性感？）做藝人要全面，唔可以話我以後封胸唔性感，要睇角色同工作需要。」

此外，朱千雪昨日出席活動，她說：「我聽日（即今日）試《On Call 36小時2》造型，會同吳啟華有對手戲，（親熱戲？）冇，劇情需要嘅話，可以考慮。因為做醫生好辛苦，我要減肥配合角色。」

文：影視組