洪天明笑囝囝貌醜
藝人洪天明與周家蔚兒子TJ前日出世，母子平安，剖腹分娩的家蔚昨日接受電話訪問時中氣十足，身體復原得很快，她指雖然傷口仍感痛楚，但已經可以落床行走。家蔚現時以母乳及奶粉餵哺TJ，問家蔚出世時已重7磅6安士的TJ會不會好大食，她笑說：「都唔會，正常呀，個仔食奶冇扭計，同佢掃風又眼仔睩睩望住我。」
洪天明昨日中午到達醫院，帶着相機的他透露向大陸劇組請了兩星期假，故要把握時間為妻兒多拍相片留念。問天明要不要為愛兒撲奶粉？他說：「唔使，好彩奶粉同尿片都有贊助。」天明笑說在家愈來愈冇地位，天明說：「依家Daddy、媽咪都錫晒家蔚，但人哋話BB唔可以讚咁多，所以我話佢好醜樣，似我老竇囉。」天明指希望兩年內再追多個BB，最完美是生女湊成個「好」字。
