祖兒慳番人情 追討利是

祖兒、伊健分屬同門師兄妹，伊健昨日在微博公告喜訊已成「人夫」，身為師妹的祖兒大感喜悅，雖然事前未聞任何風聲，但之前在一些喜慶場合見到伊健，都覺得他面上洋溢着幸福笑容。

下世紀先至嫁

對「蒙麵」選址東京秘密結婚，祖兒說：「佢真係好鍾意日本囉。（你慳番人情？）係喎，新年啱啱好逗佢利是添，每年年初一、二我哋都會上一個朋友屋企拜年嘅。」祖兒戥伊健結婚開心，問到將來她可會秘婚？祖兒抵死的說：「我呀，我諗下世紀先考慮啦！（成百年之後？）其實我份人唔係咁精心去plan一啲嘢。（即係隨時即興結婚？）唔知o架！（成功秘婚後先公布？）咁都會。」

昨日祖兒聯同內地歌手周筆暢、劉璇及前奧運金牌體操運動員李小鵬到澳門出席新濠天地「非凡之旅」記者會，記者會在水舞間劇院舉行，安排了水舞間一位男演員從十七米高台跳下水池演出。

自認守身如玉

至於一眾歌手及運動員將參與3月2日的「非凡之旅」演出，祖兒屆時會在高台演唱，她說：「我未試過高台上演唱，所以唔知會唔會有畏高，我唱歌又慣咗擘開隻腳，怕嚇到腳震！」見到大水池會否心郁落水表演？她笑言：「係你哋心郁想我落水咋，我冇試過大家面前着泳衣，我守身如玉。我上圍都唔OK，上高台走光點算！」

提到有報道指阿Sa（蔡卓妍）與形象指導馬天佑到韓國睇Big Bang，傳出與男友陳偉霆冷戰？祖兒認為不會：「阿Sa只不過係超級fans，同一班志同道合嘅人去睇啫。」至於劉璇去年年初已婚，有考慮補擺喜酒。