蒙嘉慧找來本地著名時裝設計師Noel Chu設計婚紗，Noel接受電話訪問時表示，要尊重一對新人，經記者追問才說：「我只係為佢（蒙嘉慧）設計一件婚紗，佢好緊張，要求又高，一直都有畀意見，參與創作。其實款式好簡單，有少少拖尾，佢鍾意有型。（露肩款？）唔係，有吊帶，但露背，不過就有側袋，冇細節上加飾，好簡單，其實一匹布同剪裁靚就得。」
Noel又大爆蒙嘉慧為求靚，不斷減肥，她說：「佢嫌自己唔夠瘦，試問有邊個女仔嫌自己瘦呀！」當記者問她是否友情價時，她笑說心照價！
