周嘉玲三代同堂濕平

港姐出身的周嘉玲（Valerie），自08年為比利時籍印度裔室內設計師老公Govea誕下女兒後，近年積極發展童裝事業，生意愈做愈好，去年已在銅鑼灣開設了第三間分店。
周嘉玲撇下老公，與父母及囡囡齊齊行街。
周嘉玲撇下老公，與父母及囡囡齊齊行街。

前日下午3時，Valerie撇下老公，帶同4歲半大的囡囡與其父母，三代同堂到中環行街歎茶。她先到該處名店睇衫，而囡囡則由公公婆婆照顧。直至媽咪買完靚衫，臨出門口，囡囡突然扭抱抱，Valerie抱起囡囡行了一會，似乎開始感到手軟，放低囡囡後即舉起右手做伸展運動，行行吓，貪靚的囡囡又要媽咪紮辮，於是Valerie邊行邊幫囡囡紮辮，之後便齊齊到商場地庫一間餐廳醫肚。

周嘉玲幫貪靚的囡囡紮辮。
  • 周嘉玲幫貪靚的囡囡紮辮。