楊汀叮咀仔公司嗌cut
藝人楊汀叮及周子龍昨日為主演的微電影《預見》，獲短片創作賽優異獎項，聯同本身是歌手的導演文恩澄搞慶功，汀叮說：「好開心得獎，公司將個微電影放咗上網，話過十萬點擊率就再擦餐勁，個劇本我有份創作，我同子龍演情侶，本來有kiss戲，公司cut晒。（想做編劇？）唔敢，隨緣啦！公司話遲吓正式拍戲，唔係微電影，依家物識緊男主角，我想抓撈呀！」
文恩澄則大讚演員：「我都係生手導演，唔敢鬧演員，佢兩個好快上手，我哋之後仲再合作咗個講同性戀嘅微電影。（點睇同志要求平權？）我認為兩個人相愛就冇分男女，只要相愛就可以接受，重點係要兩個人囉！」