陳慧琳籲cut「亞太區」獎
樂壇天后陳慧琳（Kelly）昨日到電台受訪，宣傳新歌，她笑言早上睇報紙才省起前晚是《勁歌》總選，對於歌手們都怕獲頒「亞太區最受歡迎男/女歌星」獎項，曾獲「亞太區最受歡香港女歌星」獎的Kelly有話直說：「cut咗佢啦，搞到咁尷尬。」Kelly又力挺王菀之獲得「金曲金獎」作品《留白》好聽。
另外，Kelly又談到G.E.M.（鄧紫棋）暗寸叱咤一事：「唔使太緊張啲頒獎禮嘅，唱好自己啲歌就得，G.E.M.把聲咁powerful，有排佢唱，佢係好似時下年輕人咁率直啲，係要撞吓板，但勇敢啲都啱o架。」問到她明年會否出席頒獎禮？她笑說：「睇吓啲歌出到嚟得唔得先再算啦。」Kelly又謂至少要到2014年才會開騷，希望先製作更多新歌。