阿Sa鼓勵男友堅持到底
Twins在《十大勁歌頒獎禮》中重奪「亞太區最受歡迎女歌星」，事後在歌迷陪同下開香檳慶祝。提到蔡卓妍（阿Sa）男友陳偉霆（William）全晚食白果？阿Sa即對男友發表「愛的鼓勵」：「努力啦，堅持勝利，我哋一直都堅持緊。（安慰佢？）佢OK喎！」阿Sa又笑言本以為林峯會擸走所有獎項，鍾欣桐（阿嬌）更打趣說：「我見阿峯同LOLLIPOP F握手，好似卸任（亞太區最受歡迎男歌星）咁！」
至於William否認女友得獎時冇表情：「大家諗太多，我都戥佢開心。」他又希望「四大唱片公司」可以盡快與無綫「破冰」：「頒獎禮除咗係派成績表外，我都當係Party，當然愈多人愈好！」
另外，同是幫無綫拍劇的賈曉晨，當晚以谷胸裝出席《勁歌》，可惜「食白果」，悶到要玩手機打發時間。
