城城冇避忌紅呔開工
天王郭富城昨日出席男士服裝品牌「Kent & Curwen 燈箱揭幕禮」，面對女友熊黛林（Lynn）父親的離世，作為「未來女婿」的城城在活動上仍全程面露笑容，更不時逗身旁的小model歡笑，又配合大會主題，擺出騎馬姿勢大方任影，相當專業。
再接戲會揀擇
談及紅館個唱，城城大賣關子說：「嚟緊會有啲更危險嘅動作，賣點凌空跳舞仍會保留，但點樣凌空跳舞呢？大家要拭目以待！」問到女友喪父可有影響自己的綵排心情？他坦言：「唔講喇。」又問是否已「肯定」Lynn的身份？Lynn是否需要關心？城城只拋下一句：「今日唔講呢啲嘢喇。」不過，獲大會安排打紅呔的城城就不避忌地坦言：「工作啫，唔關係嘅。」
除了忙於綵排個唱，城城又透露將會開拍電影，不過就「有啲揀擇」，他說：「會小心啲揀劇本，想拍下愛情故事或者動作片。」他又表示《寒戰》的成績非常理想，會「扲」荷包請食飯，又透露正計劃年中開拍續集。
Lynn仲好傷心
此外，城城又展望來年能夠「馬不停蹄」，期望愛驅「愛的呼喚」能夠盡快「升呢」，他說：「隻馬仲好新，希望可以快啲贏多啲比賽，儲多啲分，出戰更多國際賽事。」
記者致電熊黛林（Lynn）經理人Kim，問Lynn的心情，她說：「她仲好傷心，之前佢爹哋病情有好轉，所以無心理準備，大家畀啲空間佢，佢嚟緊會放假陪媽返南京，下個月先復工。」
文：音樂組
攝：唐豁莊