唐詩詠想黐林子善搞飲食

藝人林子善在飲食界再下一城，昨日有份投資的冰室分店開幕，邀得唐詩詠、梁靖琪及梁烈唯等人出席，因現場吸引不少途人圍觀，一度令交通擠塞，最後出動警方到場維持秩序。林子善自爆去年11月因天雨關係，害怕生意額下跌，幸好生意仍有盈利，他說：「員工做嘢咁辛苦，我會體恤員工，唔會似其他公司拖糧！」
唐詩詠（右）及梁靖琪大讚林子善好男人。
唐詩詠（右）及梁靖琪大讚林子善好男人。

另外，唐詩詠及梁靖琪大讚林子善事業有成兼好男人，問到唐詩詠會否倣效林子善做生意？她說：「子善做生意咁叻，可以同埋佢一齊再搞飲食生意，到時搵番《鐵馬尋橋》班底，我負責試食，鄭嘉穎負責收錢，馬國明咁受女性歡迎，梗係負責吸引客人！」

梁烈唯（中）畀面出席冰室開幕，吸引不少途人圍觀。
  • 梁烈唯（中）畀面出席冰室開幕，吸引不少途人圍觀。