歌手關楚耀（Kelvin，圖）昨日出席電台訪問宣傳新歌《孱弱》，他表示四月將推出新專輯，五月會在九展舉行大型音樂會。Kelvin透露新碟歌曲以對社會控訴為題材，但亦應粉絲要求唱多幾首情歌。提到他早前被本報影到在銅鑼灣接前度女友Megan放工，更在對方家中過夜，問是否與舊愛翻撻？Kelvin連忙澄清：「我依家冇拍拖，我哋係朋友，只係朋友身份去接放工，我嗰晚亦都冇過夜，我仲係單身，而且嚟緊好多工作，冇時間諗其他嘢。」
