前華姐張慧雯去年11月捲入涉毒案當場被捕，消息傳出後，有指她遭無綫打入冷宮，不過，原來她昨日已重返將軍澳電視城開工，穿上婚紗為處境劇《愛．回家》試造型，她否認公司有「雪」過她：「公司不嬲無話停我工，有合適工作都會安排畀我。」她亦得知《On Call 36小時II》戲份不變，月尾會再去警署報到。
《愛》劇監製徐遇安坦言冇收過不可以搵張慧雯拍劇的通知，而無綫高層樂易玲亦澄清從冇停過她的工作：「最初驚件事解決唔到，開唔到工，有個別監製擔心連唔到戲，《On》2月開工，安排冇變，佢要畀心機！」