曾在電影《葉問》中飾演葉問一角的甄子丹，雖然仍未欣賞《一代宗師》，但他透過代言人張小姐表示：「好想去睇睇學習一下，最期待睇八爺（袁和平）點樣拍章子怡同梁朝偉嘅打戲，同埋導演葉偉信與王家衛嘅分別。」
而葉問之子葉準前晚入場欣賞《一》片，事後他對該片給予很高評價：「慢工出細貨！宋慧喬好有母親張永成嗰種賢良淑德情操，但戲份少咗啲，未夠睇得更加全面。章子怡戲裏面打八卦掌，我則打詠春，睇得出佢嘅功架好好，打得好唔錯。」他又大讚子怡的內心戲做得好好，與梁朝偉之間的感情及對白演繹得很好：「尤其將衫鈕送番畀梁朝偉嗰一段，好感動，偉仔都打得好好，睇得出佢落咗好多工夫。」
