林峰呻辛苦 英皇乘機挖角

林峯前晚為微電影《愛在魅來1分鐘》舉行首映禮，英皇高層吳雨、無綫高層樂易玲、花旦朱晨麗及堂妹林夏薇均有捧場。有消息指林峯將約滿無綫，因失落「視帝」而萌去意。貴為搶手貨的他雖已是英皇歌手，不過英皇仍有意獨攬林峯經理人合約之意，難怪他在台上表示近日積極為月底個唱綵排大呻辛苦時，吳雨竟借勢向他招手：「辛苦就過檔啦！」眼見「親生仔」被挖角的樂小姐即謂：「做咩當住我面撬我啲人？」

預告除衫演出

林峯坦言每次籌備演唱會都是臨急抱佛腳，最近谷肌過度致周身傷：「太耐冇操，痛到背囊都除唔到。」他透露個唱將會是有史以來最多舞蹈環節，更預告以「男人味」誘粉絲：「啲衫都愈黎愈薄！（除衫騷肌？）衫可以隨時除，但到時睇情況。」

林峯堂妹林夏薇（左）與朱晨麗專誠撐場。	朱晨麗不介意拍情慾戲。	吳雨公然在樂易玲面前挖角，令林峯哭笑不得。

提到有報道指佘詩曼於派對上捽林峯手仔，他對此否認：「咬耳仔就有，無端端做咩捽我手仔？（有冇被『佘』咬？）我哋係好兄弟。」問到會否學阿佘與無綫轉部頭合約？他說：「公司未傾過跟住會點，依家演唱會排第一。」

另外，穿高衩裙的朱晨麗坐下時不慎露出白色內褲。問會否倣效其他花旦拍強姦戲博上位？她笑言：「電視尺度唔會太裸露，影得靚就得。」

文：音樂組