紅姑入廚減壓籲咪毒食
近期再有藝人涉吸毒，一向形象健康的鍾楚紅就直斥吸毒對身體有害又會上癮，勸喻大家要遠離毒品；喜歡下廚且廚藝精湛的她更提議以煮食來減壓，尤其為心愛的人下廚就更有滿足感！
鍾楚紅（紅姑）前晚現身白松露菌慈善拍賣晚宴，其他出席嘉賓還有郭秀雲及周國豐夫婦等。向來注重健康的紅姑大讚白松露菌是天下美味食物，要以最簡單的食材烹調，才不會蓋過其味道。問她對食物講究否？她說：「我比較鍾意食素菜，平日盡量自己下廚，我廚藝都可以o架，因為我味覺敏感，喺外邊食過好味嘅食物，返屋企就會識整番出嚟！」記者笑問她吃甚麼能保持像她的美態？她說：「食好多菜囉，但我唔可以做素食者，因為我饞嘴！」
虐貓要槍斃
談到近日有藝人涉吸毒？紅姑說：「梗係唔好啦，對身體唔好嘛，不過其實全世界都會有，呢啲嘢好個人，（有乜勸喻？）希望佢哋盡量遠離啦，會上癮，食煙都會上癮啦！」那有甚麼減壓方法？她笑說：「煮餸囉，煮嘢食可以令人好集中，尤其煮畀心愛嘅人食就仲有意義！（咁你有冇心愛嘅人？）我有隻貓同朋友！」此外，提到早前虐貓事件？紅姑表現憤怒說：「我會槍斃佢哋，呢個係人性最醜惡嘅一面，動物係好忠於人！」
女友打份工
而同場的趙世曾就與拍拖三年的女友一同出席，明顯發福的趙生表示因心曠致體胖，問到是否因女兒趙式芝（GiGi）「出嫁」而喜悅？曾揚言不接受女兒同性戀的他說：「佢都冇嫁到，你哋搞錯？不過今日唔好講GiGi啦，佢陣間都會嚟，（佢同『太太』Sean嚟？）邊個阿Sean我都唔知，（仲唔開心？）冇唔開心，我係全世界最開心嘅人！」趙生又透露跟女友感情穩定，但無意結婚，並謂女友目前在他公司打理業務，但否認是老闆娘，且薪金跟普通工人一樣。而對早前他被拍得與另一女子外出？他即發揮風流本色說：「呢個冇問題！」日前補辦「喜酒」而未有邀請父親的GiGi，前晚於活動上跟父親碰頭並大方合照，但卻未有受訪。
文：名人組