楊怡怕失視后爆瘡嚇人
無綫頒獎禮快將舉行，楊怡昨日出席活動時臉部爆瘡，雖然她否認是壓力所致，但又出言擔心失去無綫視后，至於同劇拍檔江美儀與吳卓羲有場接吻戲還未播出，但江美儀坦言已感到有後遺症，被網友指她「老牛吃嫩草」!
藝人楊怡昨日出席劇集《名媛望族》共迎聖誕活動，臉部和額頭明顯爆瘡，她否認是角逐視后有壓力，她說：「只係要調理身體，搞到內分泌失調，賀爾蒙亂咗。」稍後，她將到馬來西亞參與《Astro頒獎禮》：「信心都有。（前哨戰？）我都想有機會攞，但又怕攞咗香港冇得攞。」有指楊怡早前以徐子珊的一半酬勞結伴出騷，她似乎並不介意：「我都唔知佢價錢，其實幾好吖，食住呢條水一齊工作搵多咗！」
怕步欣宜後塵
同場的江美儀在前晚播出的《名媛望族》中，與吳卓羲臉貼臉「險錫」的戲份，她透露其實有場接吻戲還未播出，但已感到有後遺症，她說：「早前已收到粉絲留言難堪話語，話我老牛吃嫩草。（難受？）好笑囉！當然大家唔同層次，我都有聽過之前鄭欣宜錫吳卓羲後好大件事，不過依家啲觀眾好叻，識得分。」對於男友吳君祥被拍到與嚴淑明出入夜店，她說：「幾好笑，我一百巴仙信任佢，啲相夾硬來借位的。佢哋本身識咗好多年，我都識佢。（男友重口味？）我重口味啲，只怪我黑絲襪後有啲風頭，連男友都遭殃。（你用黑絲襪撩男友？）使乜撩，佢見到我已經好hot，忍唔住！」
而賈曉晨（JJ）前晚在劇中大騷事業線，勾引兼咀劉松仁的戲份，JJ說：「係唔小心撞到，就咀咗兩下。松哥幾吸引o架，（嫌少？）唔係，點都估唔到可以同偶像錫。」而劉松仁則說：「係人咀我，唔係我咀人，你哋唔好講呢啲，層次低咗，講到色情咁但戲又唔講，只講個畫面，好奇怪。」
文：影視組