白健恩谷肌「鬚」奸樣
「肌男」熱潮狂盛，港男出身的白健恩眼見大隻仔羅仲謙今年獲無綫力捧，更有份角逐飛躍進步男藝員，入行2年的他最近有份參演多部劇集，可以趁機發圍。日前便見到小白在銅鑼灣穿梭幾個商場，出入名店掃貨，似為轉季入貨。見他試衫時在鏡前「chok」樣上身，非常型仔，短短半個小時，已經掃咗接近6位數字。其後見他走入專賣大隻佬奶粉專門店，見他非常認真地挑選，又不時向店員及打電話給朋友詢問意見。
事後小白接受電話訪問：「係呀，依家轉季要幫自己入貨，同埋依家接咗幾套電視劇都係做奸角，想配合個角色，都留咗鬍鬚同想轉向型格路線。（冬天仲要大隻？）唔可以咁講，大隻係我興趣，聖誕節都接咗啲騷要騷肌肉，所以冬天唔可以偷懶！」
