RB處男騷 唱亂世香港
樂壇組合RubberBand日前到《娛樂 onShow》受訪，與主持人周吉佩大談即將舉行的處男紅館演唱會。他們坦言覺得香港現時很亂，希望在舞台上製造亂的感覺，與港人共度時刻。
組合RubberBand（RB）日前獲主持人周吉佩（吉吉）邀請，為《娛樂 onShow》擔任嘉賓。主音6號、低音結他手阿偉、結他手阿正和鼓手泥鯭六年前入行，在樂壇上苦拚多時，終於下月舉行處男紅館演唱會。四子費煞思量，希望令聽眾有種耳目一新的感覺。泥鯭說：「希望可以喺演唱會呈現亂嘅感覺，好似觀眾嚟到一個陌生地方，啲樓係由天上面起咁！事關我哋覺得香港最近有啲亂，希望可以同香港人一齊共度呢個時刻。」6號是隊中最眼淺的一位，當吉吉問他屆時會否喊爆收場，他說：「當睇到台下好多觀眾識唱你嘅歌，又或者有好多面孔係支持我哋好耐，呢啲感動時刻都會觸動眼淚出嚟。」
阿正十足卡通樣
提到新專輯《Easy》，除灌錄不少與香港有關的歌曲外，特別之處在唱片內含生活小貼士，其中阿正以自身經歷教導樂迷如何以「智慧」開唱片的膠封套。他說：「只要喺一個90度嘅枱角一鎅落去就得！」此外，他們在專輯中更棄用真面目，全都以卡通人像示人，而吉吉見狀也不期然笑言：「畫得泥鯭最唔似，因為畫少咗好多頭髮！」阿偉聽後恍如深感認同，更說：「畫到佢好似《足球小將》入面個梁仔！」吉吉則首推阿正畫得最神似：「真係完全冇分別，可能個樣比較似漫畫人物。」
RB的歌曲中，不少都是深有寓意，當中在新專輯中亦有一首歌叫《豬籠墟事變》，暗喻買樓和賣樓的時弊。6號說：「希望我哋啲歌同本地貼近啲，例如本地有收樓政策，都好無情將舊嘢推倒，所以歌入面都有講述。」
文：專案組