李思欣拍親熱戲 老公詐型

自婚後李思欣便開始與老公情侶檔姿態齊齊出騷搵錢，吸金力大升，思欣自爆：「老公成日叫我拍多啲劇，賺多啲錢，不過自己都鍾意情侶檔出騷嘅，可以兩個人一齊進步，大家一齊為我哋嘅家庭出一分力，依家嘅目標係儲錢買樓！」

每提到老公便甜蜜蜜，但一談及「造人」大計她即耍手擰頭：「依家好enjoy同老公一齊做嘢，至少都要兩、三年後先會考慮，因為生咗就要花好多時間去湊ＢＢ，又可能要放棄工作，都係等儲夠錢先再諗。」

李思欣笑言仍在「熱戀期」，與老公范振鋒相戀僅一年。

李思欣指現時目標係儲錢買樓，計劃兩三年後先「造人」。

衣着性感冇問題

李思欣與老公范振鋒相戀僅一年，笑言仍在「熱戀期」的思欣婚後落力搵銀，不過鏡頭前總會遇到要與其他男演員的親熱戲份，思欣直認老公有「詐型」：「佢有話唔想我拍親熱戲，有時亦會同導演傾點樣可以借位唔真咀，甚至會唔要嗰場親熱戲份。不過呢啲嘢係要互相遷就，我都有要求佢唔好拍親熱戲，反而着得性感佢又無問題。」

唔敢公然「開拖」

早前兩口子偶然一次公眾場合「開拖」，卻不幸被傳媒拍到，她直言二人均飽受教訓：「本來係好小事，但係報道出咗街就變到好似好大件事咁。夫妻嗌交一定有，作為公眾人物，依家大家會知道要小心啲，互相遷就下，唔會再喺公眾地方嘈。」

文：專案組

攝：沈健程

場地：Pacific Coffee

髮型：Tim@IL Colpo