YoYo做車模「搭」上王敏德
外號「仙樂都」的模特兒吳堯堯（YoYo）日前化身賽車女郎出席電單車節，更冒寒穿性感裝束，露腰又大騷驕人上圍，吸引大批龍友狂影！而令YoYo最開心是可以搭住嘉賓王敏德（Michael）膊頭合照，她笑說：「坐電單車係咁o架嘛！第一次同佢咁近距離，好開心！之前有睇Michael嘅戲，覺得佢好型好Nice！（鍾意呢類成熟型？）相信好多女仔都鍾意！」
YoYo表示18歲已考獲電單車車牌，是名女鐵騎士：「因為住圍村，揸電單車方便好多！」她笑言不少男友人均要求坐她車尾，但她多數拒絕：「我會話冇頭盔唔得喎！試過載個男仔，佢突然攬住我，我梗係鬧佢啦！但佢話好驚，都冇辦法。」