姜文杰催發牌 寸無綫冇發揮
姜文杰與姜麗文（Benji & Lesley）終儲夠一筆血汗錢自資拍攝首個正式MV，兩兄妹大讚新公司城電（CTI）待遇好之餘，更出口術護主，催促政府發牌，而Benji仍不忘寸爆無綫：「之前真係學嘢唔多！」
秦沛一對仔女姜文杰與姜麗文自被無綫雪藏近半年後，過檔城電拍劇密密吸金，他們指全賴拍劇才儲到錢自資拍MV，Benji更暗寸舊東家無綫：「依家待遇好過之前好多，收入穩陣，工作量又穩定！以前只係做司儀，真係學嘢唔多！」提到最近兩家電視台聯手出招阻發牌，Benji出口術護主：「香港得四個免費台簡直係天大嘅笑話，成件事係錯晒！」
鍾一憲Evelyn一見鍾情
當日，首先拍攝Lesley的單飛歌《Forever》，她出動友情牌，請來鍾一憲、石詠莉及蔡穎恩（Evelyn）等好友仗義客串。鍾情混血兒的Lesley更「公器私用」，請來靚仔美韓混血型男Ricky Kim飾演男友，她說：「我本身係個肉麻到爆嘅女朋友，自己又100%鍾意混血兒，之前都同過加拿大同韓國男友拍拖！」
另外，飾演情侶的鍾一憲與Evelyn自爆一見鍾情，更笑言兩人互相過電，扮演崇尚名牌港女的Evelyn說：「我現實中完全相反，完全唔鍾意名牌！（生日願望？）我想快啲搵個男朋友！」
文、攝：音樂組