許廷鏗最怕戴假面具

巨聲幫出身的許廷鏗（Alfred）於去年樂壇頒獎禮獨攬廿多個獎項，但未有成為他的壓力：「我又唔會話想Keep住攞咁多獎，因為就算畀好多獎我，但啲獎係唔值我攞嘅話，我唔會開心。同埋我依家知自己定位係咩，開始有自己嘅創作，想做啲歌令人共鳴之餘同時有反思，所以嚟緊想拎唱作獎多啲。」
許廷鏗展示過往所奪的部分獎項。
許廷鏗展示過往所奪的部分獎項。

最令Alfred煩惱的是娛樂圈複雜的規則：「以前太習慣同人講笑，但呢行原來要好慎言行，每句說話都會影響人哋對我嘅印象。」雖然他希望生活與普通人無異，但明白於娛樂圈做回自己並非一件易事：「以前我會覺得後生仔點解要畀好多框框、面具笠住自己，太多掣肘令我好想匿埋。但依家我明白只要自己做得舒服，影響唔到人就ＯＫ。」

許廷鏗坦言要花一段時間才適應娛圈生活。
  • 許廷鏗坦言要花一段時間才適應娛圈生活。