鍾浠文餵柏豪招妒
模特兒鍾浠文（Zelia）有份投資的Cafe昨日開幕，鍾媽媽亦專程由深圳來港支持女兒。Zelia透露揀昨天開張是因為父親生日，這盤生意由6月開始籌備，並投資了6位數。提到Angelababy都有開設Cafe，怕不怕別人將她們比較？她謂大家性質不同，她凡事親力親為。
問為何不見緋聞男友周柏豪？Zelia笑說：「佢可能夜啲到，佢敢唔嚟？（你哋關係好好？）係呀，但唔係兒女私情。（冇發展可能？）問佢啦！（你自己呢？）將來嘅嘢冇人知。」由於Cafe取名「Ghost Cafe」，她解釋是自己的花名叫「鬼小姐」，由來是柏豪在三、四年前為她拍了張相片，笑她似鬼，所以現在很多fans都這樣叫她。
而Zelia上載一張餵柏豪食蛋糕的照片上instagram，並寫着「老板（闆）娘我親自喂（餵）你了」，引起雙方粉絲留言：「妒忌！」、「為何可以餵他？真羨慕！」