李美鳳婚後珠寶愈收愈少

久未露面的電眼美人李美鳳，昨晚以一身黑色tube dress，出席Dior高級珠寶腕錶專門店開幕活動擔任剪綵嘉賓時，不慎絆着地氈險仆倒。她佩戴600萬元的珠寶示人，問到老公是否常送名貴珠寶給她？她表示：「結婚前多啲，依家都老夫老妻，集中放小朋友度，（買珠寶畀仔女？）仲細個唔買，免得寵壞。」她表示忙於為龍鳳胎子女籌備生日派對：「今年14歲，唔同細個，依家分開搞生日，先同個仔慶祝，然後再同個女。（錫囝囝多啲？）唔係，就番時間。」問到子女可有開始談戀愛？她說：「未拍拖，個仔仲係小朋友，反而個女成熟啲。（教個仔追女仔？）言之尚早，有教小朋友用情專一，唔好騎牛搵馬。」