香香短訊慰問：為佢祈禱

岑麗香、黃浩然及英皇鐘錶珠寶主席楊諾思昨日現身澳門，出席英皇珠寶「曲萃瓊姿」珠寶首飾預展。香香佩戴共350萬元藍寶石首飾，而黃浩然則戴上價值30萬元的心口針擔任模特兒。香香表示自己曾與好友及父母到澳門旅遊，但卻沒有賭博，只是不停飲飲食食。她又表示近日經常shopping，為選購聖誕禮物予家人，她說：「我淨係買咗畀哥哥，爸爸、媽媽仲未諗到買乜，我諗到時都只係畀家用。」

力撐又sweet又勤力

而提到其同屆華姐張慧雯涉藏毒被捕，她坦言有發短訊給對方慰問。問到對方有沒有回覆？她說：「佢有話多謝關心。不過因為成件事太敏感，我都冇仔細問。（有冇見過佢吸毒？）冇見過。」她力撐對方是一個很sweet、很勤力的女孩，故她聽到新聞時亦感愕然。有指無綫把她的工作全面暫停，問到假若對方是清白的，會否覺得她很慘？香香回應：「當然好慘，我會繼續為佢祈禱。」

張慧雯	黃浩然首次獲提名，笑言當考到第十名。	香香與黃浩然擔任模特兒，並與英皇鐘錶珠寶主席楊諾思（中）合照。

黃浩然首獲提名開心

而同場的黃浩然提到他今年榮獲提名無綫台慶頒獎禮最佳男主角，他坦言：「第一年，真係好開心。我當自己考第十。（點解咁冇自信？怕一人一票？）其一啦，同埋自己都有進步空間。起初好擔心冇份提名，因為好想去參與，現場分享呢份喜悅。」而問到黃智賢高調怒插無綫，反映自己不滿一事，他表示：「呢樣嘢係好事，每人都有感受，唔可以成日都壓抑住。（公司唔鍾意？）一來講出嚟嘅同事唔係好激進，二來員工嘅表現好好，公司知佢平時嘅工作態度。」