成龍車底滑行挑戰生死時速
成龍出名拍戲搏到盡，在其自導自演的英皇電影《十二生肖》，繼續唔錫身，除了拳拳到肉的實打場面，成龍更變身滑輪俠，於拉脫維亞盤山公路拍攝極限滑輪，挑戰終極速度！
在《十二生肖》中，成龍為了擺脫士兵的追捕，變身滑輪俠，於公路扒地極速滑行，展示一系列高難度的滑行、旋轉、翻滾、飄移等動作，短短三分鐘的戲便拍了一個半月，可見拍攝非常認真。
火速駕馭24轆
「滑輪衣」重約17公斤，胸、背、手、肘、膝、腿、腳共設計24個滑輪，但因拍攝時間緊湊，成龍必須在極短的時間內學識如何駕馭滑輪衣，成龍直言：「滑輪衣睇嚟好簡單，操作起嚟非常難！最危險嘅動作就係喺車底滑行，要保持絕對嘅平衡，如果唔係一個打橫就會捲入車底，畀車子輾過！」但成龍就以事實證明冇嘢難倒佢！事後成龍謂：「拍嗰個鏡頭時我都會怕，因為我唔是超人！但係我一到現場，所有人都望住我，一喊開機，我就依然要搏命！」
文：影視組