羅錦慧揀拖友專吼穩重男

羅錦慧（Yong）出道前曾接受當時唱片公司為期一年的訓練，之後才正式成為2011年度新進女子跳舞組合Lacee Lacey成員之一，可惜這隊組合只維持年半便解散，而籌備中的唱片亦胎死腹中。問Yong可知解散原因？她亦一臉不解地說：「係公司內部問題，有日公司同我哋講：『冇咗啦呢隊組合！』因為呢個係公司問題，所以都未對外講過，我又唔係好清楚。」至於未來大計？Yong坦言最愛仍是唱歌，希望還有機會出唱片。

舊愛中暑當鼠疫

事業受挫，哪感情方面又如何？現時單身的Yong坦言拍過幾次拖，最難忘的一段情維持了9個月，Yong笑言：「同佢拍咗唔算長，覺得難忘係因為發覺佢好多嘢都唔知道，但其實佢大過我喎。好似天時好熱好易中暑，但佢原來一直唔知中暑點解，佢以為中暑即係鼠疫，好搞笑！可能佢玩音樂，比較藝術家性格，唔會理其他嘢，好多生活瑣事佢都唔識，所以呢個人令到我幾難忘。」

Yong最愛個性成熟但外表baby face的男士。

雖然「出碟未捷組先散」，但Yong仍希望一償出碟心願。

談到擇偶條件，年紀尚輕的Yong即變得滔滔不絕：「以前好鍾意睇靚仔，但依家覺得靚唔靚仔唔緊要，最緊要錫我，一定要大過我，我鍾意成熟穩重嘅，最大40歲好啦，但又要有少少童顏，最接受唔到好煩嘅男人，我最怕男仔煩，最驚人問我：『你做咩唔覆我電話？』」果然仍是少女情懷總是詩。

Yong的戀愛死穴係給男友問：「做咩唔覆我電話？」

放大圖片

Profile

姓名：羅錦慧（Yong）

出生日期：1989年11月24日

三圍：32B、24、33

簡歷：Yong由一名娛樂圈友人引薦入行，受訓一年，於2011年成為當年新進5人女子跳舞組合Lacee Lacey成員之一。可惜Lacee Lacey最終因公司內部問題而解散，只維持了約年半。

文：名人組

攝：沈健程