蔣家旻演妓升呢色誘阿廉

無綫小花蔣家旻（Angel）在新劇《大太監》中破格演京城名妓，角色歷盡滄桑不乏內心戲，更要主動色誘攬啜太監曹永廉，發揮甚大，她希望觀眾及監製看到另一個Angel，可提名飛躍獎之餘，亦不用再局限演妹妹角色！Angel表示第一場戲便要色誘阿廉，難免感到尷尬：「我要主動錫同摸佢，佢都有畀膽我，好在我角色係名妓，唔使好姣！（打扮要好性感？）有幕戲着肚兜露肩，但鏡頭前有層薄紗，我覺得咁仲有遐想！就算再性感啲都OK，我冇所謂o架！」Angel表示拍攝一場重逢戲時更一Take過邊傾偈邊落淚，看來Angel的演技又再次升呢！