蕭家浩有「杏」兩拍視后
「前港男」蕭家浩（Edmond）早前在新劇《戀愛季節》有幸與視后胡杏兒同場，令他獲益良多，他說：「劇入面杏兒做老師，我做學生，雖然同視后同場，但我都冇緊張，因為杏兒好好人，對後輩好提點。其實《戀》係我第二個劇，第一個劇係《衝上雲霄Ⅱ》，咁啱都係杏兒有份演。」
Edmond近日重新鑽研結他技巧，他說：「我十幾歲時學過兩年結他，後來丟低咗，因為自己想喺音樂方面做啲成績，想將來可以喺台上自彈自唱自己嘅作品，所以早輪搵番以前教我嘅老師重新再學，好在老師話我水準都keep到，但要加把勁。」