林莉閉門思過封胸防走光
模特兒林莉早前不慎走光露點，前晚以密實裝束出席活動，自言已經封胸，所以很安全。她又坦言在港露點始終是尷尬的事，已被家人教訓兼在家面壁思過。同場的莊思敏則不諱言即使要露，都要是粉紅色才露。
前晚一班靚女包括林莉、莊思敏、連詩雅、黃芷晴和蔣家旻等齊齊以搶眼造型撐陳妙瑛（Mariane）場，出席Mariane旗下化妝學校Beauty Tech的活動。
以華麗女伯爵造型上陣的林莉非常密實，她說：「我封胸o架喇，好安全。（唔再畀點點出嚟？）可免則免，喺香港好似好尷尬。我已經畀屋企人教訓咗，喺屋企面壁思過咗。可能要喺外國先可以大解放。（有無試過真空行騷？）有，做Model好正常，要尊重件衫同設計師嘅設計。」而她身旁的莊思敏就表示即使露點亦至緊要靚，她說：「要顏色靚。（要Pink？）係。」
陳妙瑛光榮創校12年
另外，Mariane開心地表示：「學校已經踏入第12年喇，學柴九話齋『人生有幾多個十年』，終於衝破咗10年，畀到我成功同光榮，我為我公司嘅員工感到驕傲。（有無戲癮？）居然半年前有人搵我拍劇，係內地嘅，但當時我咁啱喺澳門搞啲小生意，所以無時間合作。（點睇政府發多個免費電視牌？）好難講，我自己係生意人，如果喺生意角度梗係會反抗，但觀眾嘅話就想要多啲選擇。」
文：名人組