鍾嘉欣拔頭籌封天后
無綫藝人鍾嘉欣昨日出席手機發布會，獲大會率先頒發「至Sharp『視』覺效果天『后』獎」，令她大為開心：「通常喺冇諗過嘅情況下都會有surprise，今年會keep住呢個心態去頒獎禮。（冇份入圍我最喜愛的電視女角色喎？）第一日知道都有失望，但年年都有頒獎禮，又簽咗好長約，之後會繼續努力。（有傑出女演員獎補數？）隨緣啦，攞咩獎都開心。」她已選好戰衣但不會走性感路線。對於代言的詩琳美容疑無牌行醫，嘉欣不清楚內情，亦不擔心影響形象。
同場的松岡李那以逼爆連身花裙亮相，對於傳有藝人在黃浩的餐廳涉嫌有不當行為，她有留意相關新聞，亦常光顧該店，但未聽聞有藝人吸毒。松岡試過去內地夜店表演，經理人告知台下有人吸毒，令她覺得好恐怖！
