婷婷笑霆鋒「抵輸」

爭影帝落敗的謝霆鋒及張家輝昨午齊齊戴黑超返港，兩人均表示沒有失望，並大讚青雲實至名歸，霆鋒說：「冇諗過有獎，見到青雲得獎好開心！（影到你仲開心過青雲？）咁都影到？我哋合作過吖嘛！」問家輝是否因太太關詠荷沒有出席少了份支持？他即笑言對方並非吉祥物：「唔可以太迷信，要睇運數同對手！（太太唔得閒？）要開工幫TVB拍劇，佢想做就做囉！」
婷婷前晚笑言唔需要呵番霆鋒。
婷婷前晚笑言唔需要呵番霆鋒。

此外，霆鋒胞妹謝婷婷前晚出席夜店活動時笑言兄長「抵輸」：「相信佢都覺得值，佢鍾意畀應該贏嘅人贏！（安慰佢？）佢唔需要人呵，尤其係劉青雲贏！其實當年阿哥贏金像影帝，呆咗幾秒唔係特登Chok，係真心覺得驚訝！」

張家輝（左）與霆鋒昨日從台灣返港，齊齊受訪。
  • 張家輝（左）與霆鋒昨日從台灣返港，齊齊受訪。