李蘊Wechat上癮手口並用
智能手機有不同種類的通訊應用程式，已經成了都市人常用的軟件。連o靚模李蘊也不例外，經常機不離手，化妝、吃飯、上洗手間、等開工時，不停「撳撳撳」！原來90後喜歡以文字與別人溝通，認為文字裏得到的訊息比傾電話較清晰、浪漫和有樂趣，她說：「其實呢個app除咗以短訊溝通，有時懶打字可以以話音對話，啱晒冬天天氣凍，唔想伸手打字！」
李蘊又說：「Wechat除咗通訊，仲可以上載照片同朋友分享，留言同讚好，好方便，我已經上咗癮！」這個應用程式近期十分流行，除了可以和朋友對話外，只要「shake」一吓便找到附近的人談天，認識新朋友。
App簡介
微信（Wechat）是內地創立的通訊應用程式，已在香港流行，甚至外國也有朋友使用。最大吸引用家的原因是以話音對話，還可建立群組一班朋友傾餐飽，既有樂趣又方便快捷。同時設有分享照片區，可隨意上載照片和朋友分享，鍾意就畀個「like」，留言亦得。