黃浩助查拒爆涉毒紅星
娛樂圈驚爆一班紅星集體在藝人徐淑敏老公黃浩的餐廳公然「吸毒」，更被閉路電視拍攝下來，涉毒片段更被人四出兜售，哄動娛樂圈，更驚動警方介入展開調查，令圈中人嘩然，黃浩親證警方已經主動聯絡邀他協助調查。
圈中的名人、歌手、演員、潮人及已婚藝人被爆集體「開餐」，更遭閉路電視拍下，黃浩親證被人勒索廿萬贖回該短片，事件更驚動警方插手介入，對集體吸毒事件非常關注，主動展開調查行動，欲急晤黃浩並交出閉路電視短片，有可能向短片中人物作出調查。
事發後拆閉路電視
有消息透露警方曾經主動致電黃浩邀他助查，但黃浩回覆：「我冇嘢講，冇片。」亦都提供不到勒索他的職員相關資料。警方昨日曾到有關餐廳視察環境，但在貴賓房內未見裝有閉路電視。黃浩昨午在電話中承認警方在其餐廳放下卡片，着他作聯絡，並解釋貴賓房內何以沒裝閉路電視：「事件（集體吸毒）係年前發生，出事後餐廳保安顧問話因為涉及私隱問題，貴賓房內唔可以裝閉路電視，所以即時拆走，只保留走廊、後門、廚房等裝置。」盛傳有媒體已買了該條片？黃浩也有聽聞：「係呀，我同法律顧問傾咗，件事途徑由我而來好麻煩，我一定唔會公開，除非警方要求我交出片段。」
昨日傍晚時分黃浩出席公開活動，談及此事，他以警方已聯絡他不便多言，更以私隱為由拒絕透露片段中涉毒的客人名單，問及員工看到是藝人？他說：「個員工話好似係，但又唔可以誣衊人，因為證實唔到，當時我唔喺餐廳，可能係食解酒丸都唔知，若有任何客人在其餐廳『開飯』，會即時報警唔會縱容。」
黃浩又說因閉路電視螢幕放在餐廳近門口收銀處，任何人都可以路過以ＵＳＢ手指記憶體copy，事件發生在周末，他在兩日後才獲悉，可能已被人copy了：「平時七日就清洗錄影帶，因為發生呢事件，所以冇洗到，尋（昨）日我都想睇，但陪老婆去咗差館未睇。」
此外，昨晚出席郭偉亮婚宴的藝人對集體吸毒事件紛紛發表意見，官恩娜大表愕然，希望吸毒者勿再吸毒，她亦冇見過藝人吸毒。蔡卓妍說：「咁倡狂？！我冇見過藝人吸毒，唔係有片咩，睇咗先信。」主持人杜如風則說：「絕對唔驚，我冇去過嗰間餐廳，唔好再講呢啲，再講就影響到婚禮。」另方面，做了媽咪的郭羨妮覺得既為人母應該以身作則做好榜樣，教育下一代。與Suki熟落的呂慧儀沒有聽聞黃浩餐廳涉吸毒事件，餐廳開幕時曾到過該VIP房，而她從未受毒品誘惑。
文：音樂組