城城獨攬Lynn股讚索
影星郭富城、梁家輝、錢嘉樂及李治廷等前晚出席電影《寒戰》慶功宴，慶祝電影在港上映12天已大收2,700萬港元，城城笑言過往很少主演電影大收，並指若電影成為全年華語片票房冠軍，會自掏腰包再請台前幕後食飯，問到會否想憑該片攞影帝？他說：「之前拍《最愛》演內地農民又有愛滋病，當時都有希望o架！結果香港台灣都成為滄海遺珠，依家唔諗喇！」
十年冇去慶功
提到女友熊黛林（Lynn）騷腿露半股拍月曆，城城風騷表示雖然未睇，但對方Super Model身形「點影都好睇」：「你哋讚咁我都讚啦！相信佢個Figure！（月曆掛足一年？）最好送畀我啦！（真人都喺你隔籬攬住啦！）哈哈！你哋真係好有心！」
家輝則表示起碼十年沒有出席電影慶功，即使去年初主演的邵氏賀歲片《我愛ＨＫ開心萬歲》，他也沒有去慶功，更突然自爆對方欠他錢，他說：「我服務香港電影30年，得罪唔少人，每個機構都有自己遊戲規則。（拒同邵氏再合作？）人哋賀歲片開咗啦！我收唔到錢嘅年代已經過去，唔希望再嚟！」但他表示若有好製作不介意再合作，至於會否追債？他說：「追個仔呀？你理得我！」
有份投資的無綫高層樂易玲昨日得悉事件後即大反應表示冇可能：「好耐喇喎！我即刻去Check，支票都簽晒，會唔會係根據電影票房（分花紅）？可能慢咗少少，上次去飲佢又唔同我講！」
文：影視組