吳千語視帝投林峯一票
林峯緋聞女友吳千語昨日身穿露背裝出席活動，透露早前在內地拍劇時吃錯東西兼冷病，導致又屙又嘔，謂日後到內地工作時會自行攜帶即食品，所謂「見過鬼怕黑」。她表示將到上海無錫拍劇二至三個月，聖誕節在該地拍劇度過。
提到上月其19歲生日，千語表示與劇組同事簡單切蛋糕慶祝，問到緋聞男友林峯可有發短訊祝賀？她說：「有講生日快樂，（食飯補祝？）等大家有時間先，（唔怕緋聞？）唔驚，大家喺好遠地方，唔會見到面。」至於會否支持他做視帝？她即問記者：「唔知內地有冇得投票？有得投會投，（瞓身支持？）TVB我只係識佢！」