江欣燕冇為爆粗唔開心

藝人江欣燕日前出席杜德偉婚宴後爛醉如泥要由老公扶走,對於被指醉酒爆粗,前晚江欣燕為飲食節目《夜消磨》到尖沙咀拍攝時表示:「印象中冇呢件事,你哋話有就有啦。(斷片﹖)我記憶喺場館之後就喺屋企張床上面,老公之後同我講話有好多記者喺門口影相。(話你爆粗唔開心﹖)唔會,我平時唔講咪得囉,杜德偉都話我結婚你梗係要好開心。」

今晚輪到錢嘉樂和湯盈盈擺喜酒,問到江欣燕可會到賀贈興﹖她說:「已經同佢哋講咗,因為要拍嘢所以去唔到。」