陳偉霆收千萬 廟街裸跑
陳偉霆（William）、詩雅、溫碧霞（Irene）及譚耀文等主演的英皇新片《紮職》前晚舉行首映禮，吸引公司上下幾乎總動員支持，就連老闆楊受成與太太亦到場，場面熱鬧，惟William女友蔡卓妍（Sa）卻消失得無影無踪蹤！問到為何女友不現身？William笑謂︰「男人戲嘛。（私底下同佢去睇？）要問佢有冇興趣。」
拒同Sa合作
William直言已與阿Sa取得共識，接下來不會合作拍戲︰「好驚畀人攞嚟宣傳。（有大師級劇本呢？）到時先算啦。」他又自爆於電影尾聲會死得很慘︰「我諗唔鍾意我嘅人會睇得好痛快。（有壓力？）唔緊張就呃你嘅。（預算票房幾多？）1千萬啦，我係咁上下嘞，之前答應咗達標會着胸圍落廟街，我好想裸跑呀。」
老公現身撐
而詩雅與Irene同樣悉心打扮到場，前者獲英皇珠寶贊助百萬鑽飾，她臨急抱佛腳往補穿耳窿，前晚戴上耳環時竟搞到傷口發炎流血，狀甚恐怖，她透露自己本月24日生日，生日願望是電影大收。至於Irene則獲老公及近60友人到場支持，老公更私下送花鼓勵，身穿低胸露背裝的她特意畫上蝴蝶假紋身配合，不過卻不慎凸點，接受訪問時她謂：「好多內地粉絲向我投訴點解套戲內地唔上得，佢哋好想睇，我有同公司講可以剪個淨化版出嚟，等大家都有得睇嘛。」
文：影視組